Ivo Murgia
Lìngua e cultura sarda
ARREGORDAI-SI-NDI 9
Sa de 9 puntadas de su primu tocu, oi arrexonaus de poesia in sardu in mètrica e a versus scapus, de su connotu e de is diis de oi. Cun nosu nci at a essi Marcu Melis, su cantadori cuartesu. Apuntamentu a is 4 in Radio Press; sms 3400644033.
Sa de 9 puntadas de su primu tocu, oi arrexonaus de poesia in sardu in mètrica e a versus scapus, de su connotu e de is diis de oi. Cun nosu nci at a essi Marcu Melis, su cantadori cuartesu. Apuntamentu a is 4 in Radio Press; sms 3400644033.
ELLUS E CANTU!
Su dèpidu est su dèpidu, no est crocoriga
De Francu De Fabiis
In is Usa su dèpidu pùbrigu at sodigau su luminaxu de is 12.000 milliardus. In su mercau de is domus sa “insolvency rate” de su bangu “Fannie Mae” apitzus de is prèstitus cumercialis de is mecapropiedadis est ampuau a su 0,60 po centu.
“Parole, parole, parole…” cantàt Mina unu pagu de tempus a oi. Unu “refrain”, o torrada, chi siat a porri imperai a is medas, tropus, maneras de narri de aici: “sa crisi est acabada” o a su “peus est adhia de nosu”.
Ellus, totus tenint custa speràntzia. Ma lassendi arrui is fuedhus, prusapestu, nci funt torra medas chistionis chi s’iant a dèpiri fàiri incarrerai cun meda prudèntzia. Intramesu de custas nci funt is acadessimentus de su mercau de is domus ameriganu, in spètzia de cudhu cumerciali.
In custu mori est su “Wall Street Juornal”, chi no si podit de seguru tzerriai unu fòlliu “catastrofista”, arremonat unus cantu nùmurus de importu mannu apitzus de is contus ecunòmigus de “Fannie Mae” e de “Freddie Mac”, is duus, entis, o bangus parastadalis, chi funt is crais de su sistema segundàriu de is mutuus po is domus de millionis e millionis de tzius e tzias chi de sangunau faint “Smith”.
Ebbenis su “deliquency rate” o “tasso d’insolvenza” de is fidus po is mecapropiedadis, de “Fannie Mae” a s’acabbu de Cabudanni est lòmpiu a su 0,62 po centu, contras a su 0,16 po centu de s’annu passau. Unu brìnchidu chi est donau, fintzas e su prus, de s’andada in peus de su mercau de is domus.
Chi bolit amostai, in prus, un'àteru tanti arriferiu a “Freddie Mac”: in s’ìnteris de su màssimu lugori de su “housing commercial market”, in su 2007, su sòtziu teniat mutuus nous po 180 milliardus de dòllarus in arrelata a domus noas; sa mitadi de custus, imoi, funti protestaus.
Is timorias de “Havard” e de sa “Fed”.
Sa situatzioni, ellus, no est de is bonas. Chi brintant in difircutadi custas duas sotziedadis parastadalis in su apoderai is fidus po comporai domus s’iat a porri frimai su mercau etotu; “Chentza de su trabballu de sighiu de “Fannie Mae” e “Freddie Mac”, at scritu de pagu tempus s’Universidadi de Harvard, is còmporas e is bendas de domus s’iant a porri frimai”.
Ma no est sceti custa numenada Universidadi a fuedhai de aici pistighintzosa; fintzas de pagu su presidenti de sa Fed de Santu Frantziscu, Janet Yellen, at nau de aici: “Is arrastus de stabbilitzazioni de su mercau de is domus est chentza de duda peruna una chistioni bona”. Ma sa disocupatzioni, in su mesi de Ladàmini, est ampuada a su 10,2 po centu. Unu “trend” pistighitzosu ca su crèsciri de is personis chi no tenint unu stipèndiu si nci podit furriai in d-una unda noa de dèpidus protestaus cun is pinnioramentus chi dhus sighint. Totu custu “iat a porri torrai a pònniri asuta de pressionis is prètzius de is domus chi funti torraus a crèsciri in is ùrtimus mesis cumenti assentat s’ìndixi dei domus Shiller”. Po tanti chi sa Yellen at tzerriau “preoccupante” in spètzia su “outlook” de su mercau cumerciali de is domus, cudhu in ca funt prus impinniaus is bangus arregionalis.
Su dèpidu a stedhas e corrias….est lòmpiu a is stedhas.
Chentza de si ndi scaresci, apustis, ca is entis ant arriciu prus de 110 milliardus de dòllarus de su guvernu de Washington po dhas sarbai. A pentzai a àteras innitzionis de dinai est trabballosu meda. Pròpiu oi, difatis, s’esegutivu at pùbrigau s’ùrtimu tanti de su dèpidu pùbrigu. Sighendi cantu at nau su dipartimentu de s’Aschisòrgiu Usa, su dèpidu at sodigau su luminaxu de is 12 milla milliardus de dòllarus.
A su de 16 de Donniasantu 2009 est de 12.031,30 de milliardus contras a is 11.999,51 milliardus de su mesi de Cabudanni de su 2008. De su primu de Donniasantu 2009 s’indepidamentu est ammanniau de prus de 138 millardus e si stait acostiendi allèsturu a su tretu de 12.104 milliardus, casi 80 po centu de su PIL Usa de su 2008, autoritzau de su Cungressu, su guvernu. Un’àteru tanti chi amostat cumenti, a bortas, s’arrealidadi est atesu meda de is “parole, parole, parole, soltanto parole….”.
Artìgulu liau de “Su Soli24ORAS on line”, de Mèrcunis 18 Donniasantu.
Craca innoi po biri s’arrogu originalli, mancai innoi nc’est sceti s’arresùmini.
Chi boleis lìgiri àterus arrogus de finàntzias allirgas ameriganas brintai:
Custu primu artìgulu de finàntzias est stètiu liau de su giorronnalli cuntinentalli “Su Curreu de su meria”.
Custu segundu artìgulu de finàntzias est liau de su giorronnalli on line “Su Solli 24ORAS”.
Su dèpidu est su dèpidu, no est crocoriga
De Francu De Fabiis
In is Usa su dèpidu pùbrigu at sodigau su luminaxu de is 12.000 milliardus. In su mercau de is domus sa “insolvency rate” de su bangu “Fannie Mae” apitzus de is prèstitus cumercialis de is mecapropiedadis est ampuau a su 0,60 po centu.
“Parole, parole, parole…” cantàt Mina unu pagu de tempus a oi. Unu “refrain”, o torrada, chi siat a porri imperai a is medas, tropus, maneras de narri de aici: “sa crisi est acabada” o a su “peus est adhia de nosu”.
Ellus, totus tenint custa speràntzia. Ma lassendi arrui is fuedhus, prusapestu, nci funt torra medas chistionis chi s’iant a dèpiri fàiri incarrerai cun meda prudèntzia. Intramesu de custas nci funt is acadessimentus de su mercau de is domus ameriganu, in spètzia de cudhu cumerciali.
In custu mori est su “Wall Street Juornal”, chi no si podit de seguru tzerriai unu fòlliu “catastrofista”, arremonat unus cantu nùmurus de importu mannu apitzus de is contus ecunòmigus de “Fannie Mae” e de “Freddie Mac”, is duus, entis, o bangus parastadalis, chi funt is crais de su sistema segundàriu de is mutuus po is domus de millionis e millionis de tzius e tzias chi de sangunau faint “Smith”.
Ebbenis su “deliquency rate” o “tasso d’insolvenza” de is fidus po is mecapropiedadis, de “Fannie Mae” a s’acabbu de Cabudanni est lòmpiu a su 0,62 po centu, contras a su 0,16 po centu de s’annu passau. Unu brìnchidu chi est donau, fintzas e su prus, de s’andada in peus de su mercau de is domus.
Chi bolit amostai, in prus, un'àteru tanti arriferiu a “Freddie Mac”: in s’ìnteris de su màssimu lugori de su “housing commercial market”, in su 2007, su sòtziu teniat mutuus nous po 180 milliardus de dòllarus in arrelata a domus noas; sa mitadi de custus, imoi, funti protestaus.
Is timorias de “Havard” e de sa “Fed”.
Sa situatzioni, ellus, no est de is bonas. Chi brintant in difircutadi custas duas sotziedadis parastadalis in su apoderai is fidus po comporai domus s’iat a porri frimai su mercau etotu; “Chentza de su trabballu de sighiu de “Fannie Mae” e “Freddie Mac”, at scritu de pagu tempus s’Universidadi de Harvard, is còmporas e is bendas de domus s’iant a porri frimai”.
Ma no est sceti custa numenada Universidadi a fuedhai de aici pistighintzosa; fintzas de pagu su presidenti de sa Fed de Santu Frantziscu, Janet Yellen, at nau de aici: “Is arrastus de stabbilitzazioni de su mercau de is domus est chentza de duda peruna una chistioni bona”. Ma sa disocupatzioni, in su mesi de Ladàmini, est ampuada a su 10,2 po centu. Unu “trend” pistighitzosu ca su crèsciri de is personis chi no tenint unu stipèndiu si nci podit furriai in d-una unda noa de dèpidus protestaus cun is pinnioramentus chi dhus sighint. Totu custu “iat a porri torrai a pònniri asuta de pressionis is prètzius de is domus chi funti torraus a crèsciri in is ùrtimus mesis cumenti assentat s’ìndixi dei domus Shiller”. Po tanti chi sa Yellen at tzerriau “preoccupante” in spètzia su “outlook” de su mercau cumerciali de is domus, cudhu in ca funt prus impinniaus is bangus arregionalis.
Su dèpidu a stedhas e corrias….est lòmpiu a is stedhas.
Chentza de si ndi scaresci, apustis, ca is entis ant arriciu prus de 110 milliardus de dòllarus de su guvernu de Washington po dhas sarbai. A pentzai a àteras innitzionis de dinai est trabballosu meda. Pròpiu oi, difatis, s’esegutivu at pùbrigau s’ùrtimu tanti de su dèpidu pùbrigu. Sighendi cantu at nau su dipartimentu de s’Aschisòrgiu Usa, su dèpidu at sodigau su luminaxu de is 12 milla milliardus de dòllarus.
A su de 16 de Donniasantu 2009 est de 12.031,30 de milliardus contras a is 11.999,51 milliardus de su mesi de Cabudanni de su 2008. De su primu de Donniasantu 2009 s’indepidamentu est ammanniau de prus de 138 millardus e si stait acostiendi allèsturu a su tretu de 12.104 milliardus, casi 80 po centu de su PIL Usa de su 2008, autoritzau de su Cungressu, su guvernu. Un’àteru tanti chi amostat cumenti, a bortas, s’arrealidadi est atesu meda de is “parole, parole, parole, soltanto parole….”.
Artìgulu liau de “Su Soli24ORAS on line”, de Mèrcunis 18 Donniasantu.
Craca innoi po biri s’arrogu originalli, mancai innoi nc’est sceti s’arresùmini.
Chi boleis lìgiri àterus arrogus de finàntzias allirgas ameriganas brintai:
Custu primu artìgulu de finàntzias est stètiu liau de su giorronnalli cuntinentalli “Su Curreu de su meria”.
Custu segundu artìgulu de finàntzias est liau de su giorronnalli on line “Su Solli 24ORAS”.
LINU TALLORU IN CUNTZERTU
Po notesta no si perdais su cuntzertu de Linu Talloru in Assèmini, a is 8 e mesu in su 'Spazio Arka' de 'Via Tevere'. Su programa previdit sonadas a ghitarra sarda de su connotu e torradas a arrangiai puru. Calidadi e spàssiu assigurau. Chi tenestis àtera cosa de fai no ddoi andeis prus e baxei anche Linu!
Linu Talloru
Po notesta no si perdais su cuntzertu de Linu Talloru in Assèmini, a is 8 e mesu in su 'Spazio Arka' de 'Via Tevere'. Su programa previdit sonadas a ghitarra sarda de su connotu e torradas a arrangiai puru. Calidadi e spàssiu assigurau. Chi tenestis àtera cosa de fai no ddoi andeis prus e baxei anche Linu!
Linu Talloru
SU MUTETU 3
Est lòmpiu a sa de tres editzionis su cuncursu cuartesu po mutetus. Su bandu ddu agatais in su situ istitutzionali de su comunu campidanesu. Nci at tempus finsas a su 4 de mesi de idas.
Cuartu
Est lòmpiu a sa de tres editzionis su cuncursu cuartesu po mutetus. Su bandu ddu agatais in su situ istitutzionali de su comunu campidanesu. Nci at tempus finsas a su 4 de mesi de idas.
Cuartu
CURSU DE SARDU IN PULA
Chi seis interessaus est inghitzau de pagu unu cursu de sardu in Pula puru. Totu is scedas ddas agatais in su situ de su comunu.
Pula
Chi seis interessaus est inghitzau de pagu unu cursu de sardu in Pula puru. Totu is scedas ddas agatais in su situ de su comunu.
Pula
ARTÌCULU DE OLIVIERO NIOI
S'arrecumandu custu artìculu de Oliviero Nioi chi est bessiu unas cantu cidas a oi in s'arrevista 'Làcanas'.
Fueddat de sa genètica de is sardus e a mei mi parit de grandu interessu. Genti meda si-ddu iat a depi ligi po si-ndi scidai de su sonnu...
Oliviero Nioi
S'arrecumandu custu artìculu de Oliviero Nioi chi est bessiu unas cantu cidas a oi in s'arrevista 'Làcanas'.
Fueddat de sa genètica de is sardus e a mei mi parit de grandu interessu. Genti meda si-ddu iat a depi ligi po si-ndi scidai de su sonnu...
Oliviero Nioi
CURSU E SCOLA
Labai su comunicau de una scola de Ceraxus:
Lunis su 16 de donniasantu est cumentzau unu cursu de sardu in sa scola de Ceraxus (I cìrculu). Totu is maistas e is professoras podint pigai parti e in prus, cumenti ascurtadoris, sa genti puru. No si pàgat nudda e po ndi sciri de prus tòcat a tzerriai a sa segreteria de scola, tel. 070.85.08.26.
Giai chi seus arrexonendi de scolas, mirai una circulari in sardu de custa scola de Su Masu.
Labai su comunicau de una scola de Ceraxus:
Lunis su 16 de donniasantu est cumentzau unu cursu de sardu in sa scola de Ceraxus (I cìrculu). Totu is maistas e is professoras podint pigai parti e in prus, cumenti ascurtadoris, sa genti puru. No si pàgat nudda e po ndi sciri de prus tòcat a tzerriai a sa segreteria de scola, tel. 070.85.08.26.
Giai chi seus arrexonendi de scolas, mirai una circulari in sardu de custa scola de Su Masu.
IS MUTETUS IN NÙGORO
Apuntamentu po cras in Nùgoro po sa presentada de su lìburu de Pàulu Tzedda 'L'arte de is mutetus', cun Pàulu Bravi, Tanieli Filia e s'autori etotu. Est un'aparìciu de s'Isre aìnturu de s'arrassìnnia 'Fueddus e mùsica in biblioteca'.
Is mutetus ; Isre
Apuntamentu po cras in Nùgoro po sa presentada de su lìburu de Pàulu Tzedda 'L'arte de is mutetus', cun Pàulu Bravi, Tanieli Filia e s'autori etotu. Est un'aparìciu de s'Isre aìnturu de s'arrassìnnia 'Fueddus e mùsica in biblioteca'.
Is mutetus ; Isre
MÀRIU PUDDU IN BOÀTIRI
Sàbudu su 21 in Boàtiri (AR), a is cincu, ant a presentai sa gramàtica de Màriu Puddu chi at pubricau sa Condaghes. Ddoi at a essi s'autori.
Castiai-sì sa locandina innoi.
Sàbudu su 21 in Boàtiri (AR), a is cincu, ant a presentai sa gramàtica de Màriu Puddu chi at pubricau sa Condaghes. Ddoi at a essi s'autori.
Castiai-sì sa locandina innoi.
ARREGORDAI-SI-NDI 8
Po sa de otu puntadas cambiaus unu pagheddu cun 'Su primu tocu - poesia e mùsica de is sardus' ma no si-nci stesiaus meda de su chi est su tìtulu de sa trasmissioni e duncas de s'idea chi boleus mandai ainnantis. Custa cida difatis chistionaus de literadura in sardu cun Francu Pilloni, movendi de s'ùrtimu lìburu chi at pubricau, 'Arega pon pon', po depi lompi a totu is àteras chistionis chi ponit su scriri in sardu in dii de oi. Colonna sonora: sa mùsica sarda.
S'apuntamentu est a is 4 in Radio Press, 88.7 e 93.5, streaming radiopress.it, sms 3400644033. Sa puntada de oi dda torrant a donai finas cras a is 5. Asuta si-nci pongu un'artìculu miu e unu de Antoni Arca asuba de custa bella faina de Francu.
Arega Pon Pon ; Arega 2
Po sa de otu puntadas cambiaus unu pagheddu cun 'Su primu tocu - poesia e mùsica de is sardus' ma no si-nci stesiaus meda de su chi est su tìtulu de sa trasmissioni e duncas de s'idea chi boleus mandai ainnantis. Custa cida difatis chistionaus de literadura in sardu cun Francu Pilloni, movendi de s'ùrtimu lìburu chi at pubricau, 'Arega pon pon', po depi lompi a totu is àteras chistionis chi ponit su scriri in sardu in dii de oi. Colonna sonora: sa mùsica sarda.
S'apuntamentu est a is 4 in Radio Press, 88.7 e 93.5, streaming radiopress.it, sms 3400644033. Sa puntada de oi dda torrant a donai finas cras a is 5. Asuta si-nci pongu un'artìculu miu e unu de Antoni Arca asuba de custa bella faina de Francu.
Arega Pon Pon ; Arega 2
Su meri de domu
Nome: Ivo Murgia
Amigu de su blog friulanu
'Il furlanist'
Media
mpuddu
|
|
a sa moda campidanesa
|
|
mitzas
|
| Vedi altri media |
