Lìngua e cultura sarda

INCINGIAU SU BLOG DE "SARDEGNA RADIO"


Is de su giassu web "Sardegna Radio" ant incingiau unu blog nou po chistionai de mùsica sarda e po intendi su parri de totu is apassionaus asuba de sa mùsica sarda etotu e de is programas de s'arràdiu. Fait a lassai unu cumentu e a pigai parti a is fainas de su blog.
"Sardegna Radio" giai de unus cantu mesis est trasmitendi on line mùsica sarda de calidadi cun artistas e cantzonis de su connotu e programas de aprofondimentu apitzus de totu is chistionis de is traditzionis nostas e de sa mùsica sarda de oi, mancai in su surcu de s'antiga. Fait prexeri su biri chi una faina de calidadi cumenti e custa siat andendi beni, agiudendi a genti meda a cumprendi ita est sa mùsica de su connotu, su "clàssicu" dd'eus a nai, e sa mùsica moderna o etno-pop in sardu naraiddi su chi boleis, chi cun sa mùsica sarda prus sintzilla nc'apicìgat pagu. Custu poita in certus programas incapìtat de biri launeddas e cantu a tenori, chi càmbiant cussus puru no seu nendi cussu, impari a mùsica ligera in sardu chi a bortas presèntant, sèmpiri in italianu, po essi una "rilettura della tradizione". Sa chistioni est ca innantis de fai sa "rilettura" iat a tocai a si fai sa "lettura della tradizione" po sciri assumancu ita cosa est!
Sa gana e sa pressi de bessiri in sa televisioni fortzis ndi pìgat su tempus a sa voluntadi de studiai e de aprofondiri is chistionis. E no balit prus mancu sa tioria chi sa mùsica ligera in sardu, candu no est acumpangiada de stùdiu e de cuscièntzia, potzat agiudai a is piciocus a imparai su sardu o a ddu spainai, deu no nci creu prus de candu seu biendi chi su prus de custas trumas sardu no ndi chistiònant giai nudda e candu funt cantendi puru ddu pronùntziant aici mali su sardu chi ti faint pensai chi no dd'apant chistionau mai e chi siat sceti una moda de custus tempus.

Blog "Sardegna Radio"

Postu de: is4morus a is 16:50 | link | commenti (6)

Commenti

#1   25 Gennaio 2007 - 16:55

 

una bella iniziativa che permette di far conoscere a più persone la musica sarda...( che fatica tradurre il tuo post...)
un saluto

gulliveriana

#2   25 Gennaio 2007 - 17:05

 

Ca nou, est ca abisòngiat a si ddui ponni, a si sfortzai pagu pagu i a insisti puru!

is4morus

#3   26 Gennaio 2007 - 22:42

 

Oyyyyy ta dannu..... sono di cagliari.... ma capisco ben pocooooooooooooooooo helpppp

Nicolerichie78

#4   27 Gennaio 2007 - 01:11

 

Deu puru seu de Casteddu.....t'agiudu deu....candu bolis!

Marcu

utente anonimo

#5   27 Gennaio 2007 - 05:06

 

Cagliaree Reppresentz

Peter666

#6   27 Gennaio 2007 - 13:45

 

AHAHAHH.... si il mio è pvt....ma per altri motivi...e comunque non ho fatto nessuna critica.... ho solo detto che il sardo lo capisco poco!!!!!! Baci

Nicolerichie78

Commenti