Ivo Murgia

30/04/2007

SANT'EFIS IN CASTEDDU

Su primu de maju cumenti a donni annu tòrrat in Casteddu sa festa prus manna de Sardìnnia: Sant'Efis. A mengianu sfilada de tracas, costùminis, cuadderis, launeddas e a s'acabu de totu, s'arramadura e su còciu de su santu. A meri' ballu sardu in Pratza 'e Su Cramu cun grupus folk ma prus de totu cun sa genti baddendi in terra, a su costau de su palcu. Po is tifosus de is cantadoris, faci a ora 'e is 8, 8 e mesu ant a fai una cantada a sa moda campidanesa in su Palàtziu 'e su Cumunu cun Lussu de Pauli, Tzedda de Sìnnia e Filia de Sìnnia; contra Exana e De Notarpietro de Sìnnia e ghitarra Pau de Cuartu. Atra cantada ant a fai sa pròpiu di' in Pula cun Pani de Cuartu, Saba de Terreseu, Vàrgiu de Cuartùciu e Mura de Teulada. Cantada sàbudu puru in Pauli cun sa pròpiu scuadra de Casteddu ma cun Tiddia de Sètimu a sa ghitarra. Cumèntzant a is 5 e mesu de sa crèsia de su "SS. Redentore" cun màscaras brabaxinas e su grupu "Sa berrita e su bordau" de Pauli etotu.

At a fai a agatai finas sa "Carta de Logu istòriga e limbìstiga de Sardìnnia" annu 2007, chi at cuncordau Francu De Fabiis cun aciuntas e currigiduras e atra cosa noa; su prètziu est 5 francus nous. Custu traballu dd'ant presentau fintzas in Videolina in is dis passadas e ant fatu beni ca girendi sa Sardìnnia dd'eis a biri apicada in unu muntoni 'e logus, de Campidanu a Cabesusu, ca a is Sardus ddis praxit a biri is nòminis de is biddas e de is logus insoru torraus a sa lìngua chi ddis minescit.

Torrendi a is cantadoris, giai chi imoi apu imparau a "postai àudiu e vìdeu" ndi potzu finas abusai e duncas nci pongu un'atru mutetu chi ndi seu pighendi de una cantada privada chi iant fatu in Cuartu in su 83 cun Marras de Cuartu, Demontis de Sant'Uanni Suèrgiu, Danesi de Pauli e Lai de Cabuderra. Su file est unu mutetu spassiosu de Venutu Demontis chi est apretendi a is cantadoris a lassai su cantu ca est ora 'e cenai! Su Tori chi est pighendi a arremoni est Tori Marras, su chi at fundau sa gara. A perdonai chi s'intendit mali, tzirrìchiat unu pagu e no m'est arrènnesciu a dd'arrangiai (gei apu imparau a manixai s'aina ma no beni beni!).

Is ùrtimus versus bolint chi s'espòrrant

ca fra pagu nc'at a essi mèscita

chi po cenai sunt giai prontus

e si nc'est conillu aresti

sa frochita mia gei si giòstrat

ma mancai presentint lori

speci e si est cìxiri arrustu

no ddi ghetu mancu sali!

Su capitali de Tori est in crèscita

e custu dimòstrat chi is contus ddi tòrrant

Postu de: is4morus a is 11:58 | link | commenti (10)

Commenti

#1 30 Aprile 2007 - 12:11

Adesso ci mettiamo qui a studiare questa vostra splendida lingua, che quest anno veniamo a Cagliari e vogliamo essere preparati!!

Guarda il mediablog (foto, audio e video) di questo utente.

BambolaSimona

#2 30 Aprile 2007 - 12:16

Beni benius siais!
Benvenuti!

is4morus

#3 01 Maggio 2007 - 11:04

Eeeeeeeeeeeh qui si sgobba di bestia, la demenza avanza, l'intelligenza è nascostissima... eheheh
Sorprendente ricerca ragazzi, complimenti!

BambolaSimona

#4 01 Maggio 2007 - 11:07

SCUSAAAAAAAAAAA HO SBAGLIATO A LASCIARE IL COMMENTO, NON ERA PER TE...AHAHAHAHAH!
Volevo dire...Grazie del benvenuto, saremo in 8 :D e non vediamo l'ora!

BambolaSimona

#5 01 Maggio 2007 - 18:34

8x2 fa sedici..

a chi lo dici! :D

utente anonimo

#6 01 Maggio 2007 - 23:33

Est pessende a mandigare e no a poetare s'amigu... ma est geniosu su mantessi.. Ciao Ivan Murgia

ROSALUNA37

#7 01 Maggio 2007 - 23:35

Scusa, Ivo Murgia

ROSALUNA37

#8 02 Maggio 2007 - 17:49

O, "Bambola Sisona" itte sese faghendo innoghe?! Un'imbràssidu. pro Ivo e tue etotu. danis

xdanisx

#9 03 Maggio 2007 - 02:44

Etotu è tette?? ahahah

BambolaSimona

#10 03 Maggio 2007 - 14:13

oioi.....bellissimo leggere...in lingua..sarda...aggiungo che purtroppo...nn capisco tutto....in ogni caso......saluta quella meravigliosa citta' che e' Casteddu
tiffany

tiffany1

Commenti

Su meri de domu

Cumentus

Fotografias

Amigus

Mesis

Genias

Funt agiudendi

Feeds

Contadori

Postu de: is4morus a is 11:58 | link | commenti (10)