Ivo Murgia

Lìngua e cultura sarda

Su meri de domu

Blogger: is4morus
Nome: Ivo Murgia
Amigau cun su blog friulanu "Il furlanist"

  • Contattami
  • Il mio profilo
  • Linkami

Fotografias

sinnia sinnia
casteddusardu casteddusardu
donori donori
Vedi altri media

Genias

Funt agiudendi

Feeds

  • RSS 2.0
  • ATOM 0.3
  • Powered by Splinder

Contadori

abisitau *loading* bortas

23/07/2007

COSA 'E FAI
 
 
Cenàbara in Casteddu a is 6 de meri' anche s'assòtziu "Carovana sarda della pace" in bia Baronia ant a fai un'atòbiu apitzus de sa "Polìtiga e democratzia linguìstiga in sa Sardìnnia de su sèculu XXI". S'atòbiu dd'est aparincedi sa "Carovana" cun s'agiudu de is assòtzius: "Kentz’ ‘e meris", "ACaLiSa", "Iscola sarda", "Comitau scientìfigu po sa normalizadura de sa bariedadi campidanesa de sa lìngua sarda". Ddui ant a essi: Amos Cardia (giorronalistu, scridori e obradori de bilinguismu de s’assòtziu ACaLiSa), Stèvini Cherchi (dirigidori de s’assòtziu ACaLiSa), Oresti Pili (dirigidori de s’assòtziu Iscola Sarda e coordinadori de su Comitau scientìfigu po sa normalizadura de sa bariedadi campidanesa de sa lìngua sarda).
Sàbudu in Fonni a is 10 e mesu in su saloni de sa crèsia "Don Bussu" ddui at a essi una di' de stùdiu apitzu de su cantu a tenori, cun Andria Deplano, Bernard Lortat-Jacob, Fabrìtziu Marchionni, Banne Sio, Otàviu Olita e Miali Tatti. Cun s'ocasioni ant a presentai su lìburu nou de Deplano "A tenore" e su cd de sa "Consulta del canto a tenore" cun is tenoris de Fonni, Oniferi, Orgòsolo e Orune. A su noti, arrassìnnia de cantus cun is tenoris de Fonni, Orgòsolo, Orune, Bitzi, Nùgoro, Mamujada, Sèneghe e is corsicanus "Diana di L'alba".
Cantada in Partiolla (Dolianova) cun Pani de Cuartu, Saba de Terreseu, Vàrgiu de Cuartùciu e Frachi (Falqui) de Arriu 'e Murtas.
De cenàbara in Sàrdara - Santa Maria Àcuas, sa festa de iRS cun d-unu programa mannu de atòbius, cunferèntzias, scàmbius curturalis e cuntzertus. Innoi totu su programa: Festa Manna iRS
De cenàbara in Asuni una bell'arrassìnnia de cìnima. Unu cunfrontu intra arrialidadis diversas, de su Kurdistan, a s'Iran e a sa Turchia, de sa Norvègia a s'Armènia fintzas a sa Sardìnnia. Unu programa mannu e beni fatu cun a prus de su cìnima, atrus apuntamentus cun atòbius, sonadas, presentadas e artis vàrias. Sceti po sa Sardìnnia ddui at cosa meda, film stòricus e nous, de "Ybris" de Baìngiu Ledda a "Sa Regula" de Simoni Contu, e ancora proietzionis asuba de is pintoris cadalanus in Sardìnnia, su polìgunu de su sartu de Chirra, is "cinegiornalis" sardus, Violante Carros, Sant'Efis, Lollove, Nuraxi Figus, su cìnima "sardu", is piscadoris de Cabras, is launeddas, is mamutzonis, sa costa smeralda (Li monti di Mola in gadduresu). Ndi balit diaderus sa pena de si ddui fai una scapada.
Innoi totu su programa cumpretu: Asuni

Postu de: is4morus a is 18:12 | link | commenti (2)


Commenti
#1   25 Luglio 2007 - 23:32
 
Ciao amico.

Ps. ho scoperto che un mio amico, che ha anche un blog su splinder (riccardodeias.splinder.com), ha origini sarde... ed ora è sull'isola in vacanza.
Salutami la tua terra.
Blogger: Contattami Guarda il mediablog (foto, audio e video) di questo utente. Blocca questo utente DellaRocca

#2   26 Luglio 2007 - 12:32
 
Logu prus bellu no podiant sceberai po un'adòbiu de custa 'enia. Ddu est un'anfitiatru in d-unu bellu logu abertu. Biu ca ddoi seis no podeis fai 'e mancu de s'acostai a Sàrdara e si fai una passillada in sa parti beça de sa bidda. Domixeddas totu beni arranjadas ki s'incarànt a bias imperdadas e allosadas. Est unu mediori!

Pàulu
utente anonimo

Commenti