Ivo Murgia

28/01/2008

JOSEBA IN FRIULANU

Unu cantu de libertadi cumenti e 'Su scrau maistu ferreri' de Joseba Sarrionandia iat a depi cantai in totu is lìnguas de su mundu, po sa fortza chi tenit e po is ideas chi bolit intrasulai in is sentidus de sa genti. De imoi a innantis una boxi in prus s'est aciunta gràtzias a sa furriadura in 'furlan' chi nd'at fatu Carli Pup, operadori culturali in lìngua friulana e boxi stòrica de 'Radio Onde Furlane'. Dd'at pubricada in su blog in friulanu 'Internazionalitari' chi est fintzas su tìtulu de unu programa apitzus de is lìnguas de minoria europeas e de totu su mundu anca apu tentu su prexeri de ddui partetzipai deu puru po una ciaciarrada chi si femus fatus cun Carli etotu asuba de is chistionis chi si interèssant a nosu.

Gràtzias a Joseba Sarrionandia po su coràgiu chi tenit e po s'arti cosa sua, aici forti e avolotadora e a Carli chi m'at fatu sciri de custu traballu suu.

Joseba furlan

Postu de: is4morus a is 16:11 | link | commenti (2)

Commenti

#1 29 Gennaio 2008 - 09:41

Poita totus tenint un'arràdiu in lìngua e nosu mancuna?
A sa faci de sa tutela delle lingue minoritarie .. at'a essi ca su Sardu no est minoritàriu?! At a tocai ad abetai ca ddu siat deaderus!

S'ocitanu, po ndi nai una, ddu chistionant, in Frància, in d-una pariga, epuru tenint scolas, arràdius, televisionis, tzilleris.
E nant ca sa Frància est prus natzionalista de s'Italia ...