Lìngua e cultura sarda

UNA PARIGA DE INTERNET


In su logu web de s'ofìtziu de sa lìngua sarda de Scalebranu ant pubricau unu stùdiu stravanau apitzus de is nòminis de logu de sa bidda, is bixinaus e su sartu. Su traballu dd'at fatu Sergi Arba i est interessanti diaderus. Merescimentu mannu at tentu s'ofìtziu de Scalebranu po custa e atras fainas de brofetu chi est mandendi a innantis. S'operadori de Scalebranu est Bruna Siriu.
Scalebranu Toponomàstica

In su situ de is disterraus sardus un'atra tradusidura in sardu de Francu De Fabiis, connota meda ca de pagu nd'ant fatu unu film puru, 'Monsieur Ibrahim e i fiori del Corano'. O Francu, giai chi ses bonu a fai custu traballu poita no pensas de ndi fai una cumpreta de furriadura, in logu de sighiri diaici totu a acodeddus a acodeddus. Ti pigas unu lìburu de un'autori chi s'est mortu de diora, ddu inghitzas e dd'acabas, aici si iat a podi pensai de ddu pubricai puru.
Francu Ibrahim

Is de 'Sardegna Radio' ant ghetau su bandu po unu discu de Maria Carta chi ant torrau a pubricai, 'Umbras'. Est un'arregorta de autoris sardus de s'800 chi fiat giai bessiu unus 30 annus a oi. Sa presentada est de Àngiulu Branduardi.
Maria Carta Umbras

Is sperimentus cun is eletroneddas de Franciscu Capuzzi funt andendi a innantis. Labai in su liòngiu in bàsciu, ghitarra elètrica i eletroneddas sonendi impari. A mei m'est parta una cosa a sa moda de Alan Stivell in is annus '70. Alan Stivell est unu grandu arpista brètonu chi giai giai a solu nd'at torrau a strantaxai su connotu de s'arpa cèltica, finas cumponendi cosa noa chi oi est su 'connotu nou' de s'arpa cèltica.
Eletroneddas ghitarra

Postu de: is4morus a is 09:38 | link | commenti (4)

Commenti

#1   29 Febbraio 2008 - 10:21

 

Soe curiosu de ischire comenti iscriben Orane in "sardu", e su bixinau nostru, chi est Sa 'e Mastio.

paol84

#2   29 Febbraio 2008 - 10:25

 

Orane dd'ant a scriri Orane etotu ma in custu stùdiu no creu perou, giai chi chistiònat de Scalebranu sceti!
A si biri sanus e allirgus

is4morus

#3   29 Febbraio 2008 - 10:32

 

A mezus biri

paol84

#4   29 Febbraio 2008 - 15:42

 

Ivo,passo a lasciarti l'augurio per un buon fine settimana e ringraziarti per esser venuto a trovarmi anche nell'altra casetta...La mia vera casa, rimane sempre la prima però:))Un abbraccio stretto...Carla

yeiazel

Commenti