Lìngua e cultura sarda

NO COMMENT


Sìnnia, sàbudu su 26 de abrili de ocannu. Presentada de unu lìburu de polìtica internatzionali de un'autori sardu. Arrelatas, filmaus e arrexonada cun su pùbricu puru.
Si ndi pèsat un'òmini sinniesu, unus 50 annus, e nàrat su chi depit nai apitzus de sa chistioni chi portànt, in sardu.
Un'atru òmini de su pùbricu si chèsciat ca no cumprendit su sardu e bolit a sighiri in italianu. Deu mi seu girau a biri e chini fiat cust'òmini e no apu nau nudda. Su chi apu pensau no si ddu nau.
Su prim'òmini chi fiat fendi s'interventu, asseliau asseliau ma prontu balla!, dd'at arrespùndiu: 'Ascurtit, deu fia tant'annus emigrau in Svìtzera, e is svìtzerus m'ant pretèndiu a imparai sa lìngua insoru, e deu mi dd'apu imparada, ca teniant arrexoni puru. Imoi deu seu in sa terra mia e mi bollu gosai totu is cosas de sa vida in sa lìngua mia, seu finas andau pagu a scola e mi benit prus beni a chistionai su sardu chi no s'italianu. Desino' nerimiddu fustei innui ddu depu chistionai su sardu'.
Deu no apu nau nudda aici etotu. De sa genti si nd'est pesau un'aplàusu solu solu. Cudd'òmini chesciosu s'est girau e nc'est bessiu.

Postu de: is4morus a is 09:48 | link | commenti (9)

Commenti

#1   30 Aprile 2008 - 10:14

 

Cantu m'iat a essi praxu a ddu essi!!!
Pàulu

utente anonimo

#2   30 Aprile 2008 - 12:20

 

a Norbello (OR): "Sa mesa de su primu maju"
(Il Tavolo del Primo Maggio)

Bardaneri

#3   30 Aprile 2008 - 16:42

 

Deo ipo presentadore in d'una esta po solidariedade a su Marocco. Depimus fagher un'ambulatoriu e un'aula in Tikhfest. Firma custa petitzione si t'aggradat:
http://www.firmiamo.it/perunaverapoliticaenergeticapulita/

paol84

#4   30 Aprile 2008 - 20:12

 

Cantu mi sarìa piazutu vidì la faccia di kiss'omini ki a riziutu una bedda lezioni di saldità.
E cantu cumprendu l'altu, palkì pur'eu sogu stato fori (in franza) e sogu cosa vo dì no pudì faiddà la propria faiddata e da cando sogu turratu zilcu d'imparà e di fa imparà a li steddi cantu più è pussibili sulla storia nostra e di la nostra jenti. Femmula cunniscì a tutti kissi "saldi" ki si valgognani di faeddà in saldu e ki s'abbassani li calzoni a dananzi a li furisteri.

sarduspater

#5   30 Aprile 2008 - 23:01

 

tenes arresone sarduspater chie tenet frigonza de allegare in sardu no est dinnu de arrumbare in mesu de nois

saludos

Bardaneri

#6   01 Maggio 2008 - 00:01

 

Una carezza...Ciao Ivo...

yeiazel

#7   01 Maggio 2008 - 08:11

 

buon 1° maggio!

PiccolaLuise

#8   01 Maggio 2008 - 22:27

 

Un'aplàusu pro s'òmine torrau da sa Svitzera chi bollet chistionai su sardu in domo sua!
Gratzias, Ivo.

xdanisx

#9   07 Maggio 2008 - 09:16

 

Bellu custu!
Bai e circa - pagus is annus fintzas a candu podia cuntai unu contu diaci cun sa lingua mia e s'ingresu...
Lone

utente anonimo

Commenti