Ivo Murgia

Torru gràtzias a Ivixeddu.
Deu no seu unu simpatidori de Jorji Melis. Ma po sa kistioni LSC tenit arrexoni meda.
Ki sighit di aici, ocannu ki benit su Presidenti at a perdi is eligiduras (po nexi cosa sua). Dda depit acabai de ascurtai genti tirriosa contras a su sardu campidanesu.
Est ora de nai NO a su sçovinismu logudoresu e de auniri diaderus sa Sardìnnia.
Aunius eya ! Unificaus No.
Màssimu

Mi seu scaresçu de nai una cosa: a oberri unu dibatu innoi aintru puru po tenni prus logus aundi arrexonai asuba de una kistioni de importu.

Cantu funt is ki poderant sa LSC ?

E cuddus ki funt contras ?

E cali funt is arrexonis ?

Torru gràtzias.

Cun amigàntzia !

Màssimu

e fiat ora! unu jorronalista ki at scritu su ki pensat kene si ponni problemas!
deu no cumprendu poita ca a-i custus "istudiaus" de sa lsc di donant unu cuntzideru aici mannu, ma no at essi prus facili a scriri is cartas e is atrus scritus in logud. e campid.?
a si biri Ricardu

Is faulas de sa R.A.S..

Sa RAS, in su 2005, iat nau ki si serbit una "limba unificada" po essi arreconnotus de s'Europa.
Comenti mai, perou, sa UE arreconnoscit is documentus de sa minoria frisona ki imprentat is documentus suus in d-unu standard cun duas normas !?! (Sa RAS at nau una faula).
Sa RAS narat ki a fai unu standard cun duas normas bolit nai a fai duas natzionis !!!
In Norveja, perou, su Stadu (indipendenti e soberanu) imprentat is documentus suus cun d-unu standard a duas normas e puru sa Norveja est una natzioni aunia (NO nci funt duas natzionis).

ACABUS: poita no ddu narat sa RAS ki su standard ùnicu de su Bascu (euskera batua) e de s'arromançu (Rumansch Grischun) funt faddius !?!
E ki in Ladinia su Ladin dolomiten no arrennescint a ddu adelantai !?!

ARRESURTAU: sa polìtiga linguìstiga de sa R.A.S. est faddia; sa LSC nemus dda imperat. Sighiri di aici ? A ita serbit ? Poita spendi su dinai de sa genti di aici ?
Fiat mellus cumentzai a imperai is duas bariedadis.

Màssimu

Ivixeddu stimau,
is poderadoris de sa LSC funt timendi de perdi sa batalla. De unas cantu diis funt pùbrikendi artìculus a totu pompa contras a cussa professora e contras a su mundu acadèmicu (ddi pitziat sa cosa e ita tenit papinju !?! ). E imoi ddoi est finsas unu polìtigu ("grandu polìtigu")ki fait interpellàntzias ca nci funt is eligiduras acanta (sa genti sàbia ddus at bogaus a sonu de corru de su Stamentu italianu). Ma custu polìtigu no at cumprèndiu ki nemus ddus at a votai ocannu ki benit: ANT JAI PERDIU DE DIORA!
Is bois si-ndi funt fuius e ancora no dd'ant cumprendiu. Scureddus !!!! Creiant de cullonai sa genti cun sa newspeak orwelliana (alias LSC).


Cun amigàntzia !

Màssimu