Ivo Murgia
Lìngua e cultura sarda
Frantziscu Casula, Veronica Atzei
GIUSEPPE DESSI'
Alfa Editrice
Un'atra bessida de s'arregorta de is òminis e de is fèminas 'de gabbale' chi at bòfiu sa 'Alfa Editrice' de Maria Maròngiu po arregordai a cuddus sardus chi ant sèmpiri portau in coru e in conca sa terra insoru.
Una bella pariga de lìburus, totus in sardu, cun sa vida e s'òpera de grandus personàgius contada in campidanesu e in logudoresu. Una bella faina chi agiùdat sa lìngua sarda de sa mellus manera.
Lòmpius chi funt is primus dexi nùmerus, imoi sa cosa est sighendi cun d-una polìtica giusta de fai traballai a giòvunus capassus e chi si depint fai connosci. E a ddus fai pubricai in d-una arregorta beni fata e interessanti, cun lìburus chi funt fintzas unu bellu produtu de editoria, est unu scioberu cumenti si spètat.
E duncas unu nùmeru dd'est tocau a Veronica Atzei puru, chi is chi ligint custu blog ant giai imparau a connosci e pretziai po is tradutzionis suas.
Ma custa picioca no est bona sceti a tradusi cantzonis ma finas a si dda gherrai cun sa vida e s'arti de Giusepi Dessì, stèrria in italianu de Frantziscu Casula, torrendidda in d-unu bellu sardu campidanesu, apenas coloriu de marmiddesu, chi ddi dexit e dd'arrìcat.
Po fai cosa diaici perou, tòcat a connosci beni su sardu e a sciri scriri, e po custa cosa etanti, seus in manus bonas.
Maria Maròngiu, una borta de prus, at scìpiu scioberai beni, donendi custu traballu a sa personi giusta e s'arresurtada difatis, dd'at donau arrexoni.
Cumplimentus a totus duncas e spereus chi su lìburu tengat is satisfatzionis chi ddi merescint.
Veronica Atzei est nàscia in Casteddu in su 1978 e bivit in Turri, una bidda de Marmidda.
S'est laureada in Lingue e Letterature Straniere e est fadendi su Master 'Approcci interdisciplinari nella didattica del sardo' in s'Universidadi de Casteddu.
Chistionat sardu, italianu, ingresu e frantzesu e est ghia turìstica.
Est traballendi de una pariga de annus po sa cultura e sa lìngua de Sardìnnia; at fatu stùdius a pitzus de sa toponomàstica e su costùmini sardu de bidda sua. At traballau meda cun is pipius de scola po ddis fai torrai a scoberri is traditzionis, is giogus, sa lìngua de Sardìnnia e immoi est fadendi unu stùdiu a pitzus de is mexinas sardas.
Scrit poesias e contus in sardu.
At traballau in s'Ufìtziu Lìngua Sarda de su Comunu de Mara (VS).
Alfa Editrice
postu de is4morus | link | commenti (7) / commenti (7) (pop-up)
tags:
tags:
Aggiungi questo link su:
Commenti
Commenti
Su meri de domu
Nome: Ivo Murgia
Amigu de su blog friulanu
'Il furlanist'
Fotografias
tzaramonte
|
|
sordau
|
|
sordaulocandina
|
| Vedi altri media |
